分類: 大世界觀

現實中的佛地魔

哈理波特的故事有個大反派叫”佛地魔”, 但凡叫親佢的名字都會帶來惡運. 而人人也很害怕叫這個傳說中的名字, 不會提及他的任何東西.

個情形就好似現在任天堂做了版權的歇斯底里症, 連媒體引用到他們的創作元素也要被控侵權. 所以本人建議媒體合作一下, 把任天堂的資產變成傳奇級, 一般人是無法接觸, 過多二三十年後的小孩出世, 問爸爸當年係唔係有個養寵物的卡通好出名, 而那時的爸爸就會答, 聽過有一隻黃色發電老鼠的卡通, 但是只是傳聞唔好當真, 更加唔好問本人牠叫乜嘢名…

Hong Kong, Hong Kong

窮人滅絕計劃

最後又聽到有人想再推”簡約住所條例”, 本人一直反對這個條例, 因為呢個世上, 有頭髮邊個想做瘌痢, 邊個唔想住背山面海千尺豪宅? 話住劏房環境惡劣, 唔係人住, 但是在窮人眼中, 就好似啲高薪厚職的人, 日日飲幾杯50-60蚊星巴克咖啡, 然後話見到其他人飲只值2蚊一包的即沖咖啡, 真係好可憐, 以後禁止賣2蚊包即沖咖啡, 提升咖啡的質素, 他們才會幸福.

但是當只是有能力提供2蚊的即沖咖啡的供應商, 要加提供星巴克級數的咖啡, 唯一途徑就是要加價, 而可能加到20-30蚊一杯咖啡, 窮人怎有能加去買, 即係變相趕絕窮人飲咖啡的權利. 有人話這樣政府只要支助窮人飲星巴克咖啡, 每杯資助20蚊, 但是飲這一杯次一級賣20蚊的咖啡, 有18蚊用係買星巴克的咖啡杯, 而2蚊還是那杯值2蚊即沖咖啡, 而且當供應商知到政府會補貼, 仲唔吊高來賣? 而窮人申請那20蚊的資助, 又要過五關斬六將, 除埋底褲都覺得你係呃政府, 祖宗三代查完都仲唔信你, 成日恐嚇隨時取消資助, 咁你叫人仲敢唔敢幫襯買20蚊的用18蚊星巴克的杯裝著2蚊的即沖咖啡?

換轉一個角度, 資助嗰18蚊, 最後結果只不過把政府的資助轉移到私人業主的資產吧, 窮人的結果一係無錢租屋要瞓街, 一係就好似除埋底褲用政府的20蚊去飲那實際只值2蚊的咖啡, 這是政策原意嗎?

最可笑富人永遠唔明白, 在窮人眼中, 住屋只是想有瓦遮頭, 有個地方落腳就滿足. 即好似飲咖啡只是想提神而唔係享受咖啡的味道. 窮人會用盡自己的方法在這個社會生存, 偏偏社工就話你搵萬零蚊個月, 住又洗成萬蚊, 不如辭職唔好做攞綜援啦. 你們話到底窮人係政府的負擔, 還是訂立呢啲堅離地的政策的人係政府的負擔?

支持呢個方案的人都係以為呢個世界有”好多”, 政府鍾意印幾多錢出來都得, 但是若果事實真係有無限的錢, 點解仲要去發債, 真係自己都賺夠俾人賺吓?

到現在看看”窮人滅絕計劃”的背後真正意義, 其實係”政府滅絕計劃”吧.

Hong Kong, Hong Kong

永動機的原理

其實每個人做每件事, 都有一個動機才會做, 所以當自己做的事情影響到其他人的動機, 就可以不斷發展下去, 而本人看到最大的可能真係”死都唔認錯”, 其實認一認錯真係咁難嗎?

其實又很難的, 成日有新聞報導那些身有屎的人被騙了多少錢, 騙人和被騙的目的都一樣就只是單純想臭屎密冚, 一般人是不會明白的吧.

影片來源: 六点半日记

Hong Kong, Hong Kong

與粉絲並不合適

其實任何人都看到, 一個藝術家大多數只會是選藍營和綠營, 當一個橙營認為選擇那些多餘的心理測試問題, 永遠都會選擇”全部”, 就是因為知道那些問題會發生的機會率是0%. 而然在藍營和綠營的角度卻對那些問題覺得很重要, 所以結論我們其實意識上其實很不合適, 因為本人不想做”活俠傳”的主角吧.

影片來源: 娱乐宝
Hong Kong, Hong Kong

醉后之死

重覆的傻事 懺悔(參灰)那樣遲
和她不甘認錯離別太易(黎鱉貸二)
陪(賠)爸爸喝酒(61) 二人獨處時(二人毒柱示)
曾想答謝說一句(雪(感情)一據)未說經已…
回憶(回(覆)億)的名字 葬禮(狀(告)麗)裡說悼詞(雪(感情)調(亂)名字)
而過程每天循環(虫還)而又相似(右箱廁)
快樂(5 LOG)只有盡情 及時(CUP示)
橫豎(還樹(感情))你生命(1人)你都無法知(巫法知(明)) 最後一次(醉后一廁)

歌名: 回到最愛的那天 主唱: 洪卓立

Hong Kong, Hong Kong

為求刷KPI, 無所不用其極

今天下午有一個醫院打來的電話, 話係醫院社工黃姑娘, 電話號碼直線2669 2030, 一打來就問屋企有甚麼人一起住, 甚麼人做甚麼工作, 收入有幾多, 有沒有申請政府資助… 明明所有問題的答案一早提交到社署, 理論上一查電腦就有晒記錄, 就算無記錄, 醫院社工搵返病人會不會直接啲? 你問本人覺得發生甚麼事, 本人就覺得係明知故問, 目的就如強姦犯的辯護律師, 不斷詢問同被告甚麼關係, 那一個地方被強姦, 強姦是甚麼過程, 有沒有收受被告利益, 詢問不是為了找出漏洞, 因為對方一早知道所有細節, 而真正目的要羞辱當事人, 讓對方放棄上訴.

就當本人小人之心, 社工想說服本人接受安排爸爸去老人院, 個人認為目的很大可能當知道每天維護社會, 破壞貪官撘雞棚害人的背後軍師, 就是本人的爸爸. 而送老人院後, 就可以破壞父子”聯守”保護社會發展.

不斷問本人有沒有錢, 本人知道對方想用本人貧窮而未能照顧為理由, 判給家姐照顧. 但是家姐當年講過俾佢享受, 但是俾錢住老人院, 所謂的享受就是餘生一個人瞓在病床等死, 而身邊一個人都沒有? 雖然本人窮, 但是本人知道爸爸每天也會計劃整理一些小故事, 然後等本人放工回家一起吃晚飯, 爸爸就會把那些重覆又重覆的故事講一遍, 而本人每次也很用心理解那些重覆又重覆的故事而找到新的靈感. 換轉閣下是這個爸爸, 會選擇做窮爸爸定富爸爸?

而本人早幾日前本人看到一個短片, 說有衝突要學會忍讓, 否則就會與家人分隔. 但是本人看到如果把爸爸判了給本人, 爸爸還可以聯絡家姐, 但是如果判給家姐, 就真的父子永隔了. 當年”新冠”不知道發生甚麼事, 之後爸爸回應總是把本人的文章看倒轉了, 明明說了無數次本人是香港, 但是還是說本人是台灣還為所欲為, 做兒子只能忍讓, 就等這一天上訴的機會吧.

機會錯過了就真的可能父子永隔返不到轉頭, 所以本人才決定把真相描述出來.

影片來源: 娱乐宝

Hong Kong, Hong Kong